“ X 小姐，你而家可以用你 Netvigator 嘅 account 同 password 登入兩個網頁，除咗用緊嘅 Now 之外重可以登入 Media 網站免費任睇電影同娛樂節目一個月……”
“哦！ 唔需要喇！ 好少睇！”
“咁， 你試下去我哋嘅 Moov 網站呀！ 可以免費任聽歌曲……”
“……都唔使喇！ 冇需要喇！ 唔該！” ( 仲唔收線？！)
“哦！ 咁呀！咁你只要登入我哋嘅網頁，係上面 click 唔接受免費試用就得喇！”
( 呢排瞓得唔好，心火盛，相當燥！ 聽到呢句火都嚟！ 本來冇氣冇力嘅聲線即時高亢起嚟！)
“吓！ 咪住！ 你係話要我自己上網 “主動” 去拒絕你個所謂 “免費試用” ，如果唔係就要係我賬單度過數？”“
呀……其實…都係嘅……”
“喂！ 你哋呢啲係不法推銷手法嚟嗰喎！ 嗱！ 我即刻去消委會度告你哋！ 你咁樣咪同以前「讀者文摘」一樣，寄本小說集畀你話免費贈閱，你唔即刻 “主動寫信”去拒絕收呢，就半個月寄一本過嚟然後收費，顧住畀人告到你哋……… 嗱！ 我係唔會晒時間上去你哋網頁度攪乜嘢 “拒絕試用手續”！ 你哋咪亂咁係我賬單度扣數呀！”
“哦！ 好啦好啦！ 知道喇！ 有電話錄音喇！ ” ( 我梗知你哋有電話錄音，唔係點屈人數吖！)
呢…嗱…你一答應話會上去試睇試聽就要小心嘞！ 根據經驗， 你唔 “主動”問， 佢哋唔會“主動”話畀你知試用期滿後點樣去拒絕續訂， 亦唔會到期前通知你 “要收錢囉喎！” 有冇睇過、聽過都好，只要曾經登入過，到咗試用期就大條道理向你收費！ 有電話錄音！ 有口頭接受！ 再次提醒你，呢個係一個 叢林迷城！ (嗱！ 我係對事不對人！ )
講起叢林迷城，自從深懂叢林定律 ( The Law of the Jungle ) 嘅 Richard Li 先生入主老牌電訊後，咁啱！ 我屋企就頻頻不定期響起 “午夜兇鈴” ，一般總系午夜四點左右電話鈴就會響！ ( 城市人！ 請留意！ 唔係兩點、唔係三點，係四點幾，係咪都比較毒呢？！ ) 仲以為屋企人出咗事入咗醫院之類， 一扑一轆出去攞起電話，一係冇聲，一係發出噠噠聲，打去電話公司查問，又話冇辦法 check 到電話來源 ( 來電顯示係 Blocked number！ ) ，但係唔知點解攪一大輪之後話只要每月加錢就可以幫我過濾呢啲騷擾電話，你話幾……可疑呢！ 我當然誓死不向邪惡勢力低頭喇！ 惟有記得時就擱起聽筒先去瞓，唔記得時就間唔中、失驚無神畀佢玩醒！ 始終怕萬一真係有急事又唔敢唔聽！ 終於捱完份合約轉咗電訊公司， 神奇嘅事情就發生咗嘞！ “午夜兇鈴”一去不返！ 真係！ 冇說話好講！
都唔係第一次提及 Mr. Li (“The Law of the Jungle” With compliments from Richard Li )，相信李先生一日唔剢碎晒間 「百年老店」 斷斤秤嚟賣，就唔足夠自我肯定同標榜自己財技方面嘅雄才大略！
******************************************************
回到題目上來，如前述，這個電話直銷事件的推銷手法讓我想起另一間行將進身為百年老店的家庭月刊「讀者文摘」。 最近其美國業務就因為債務沈重、發行量下滑，加上廣告減少而申請了破產保護，需要與債權人協議，以債換股，重整債務。 「讀者文摘」是直銷行業的老大哥，最大特色是以直郵方式把貨品目錄寄給目標讀者群作推銷，並定期舉辦區域性「百萬大抽獎」、「信譽品牌」選舉等一類獎賞活動吸引並留住讀者，同時亦加強了雜誌在讀者心中的品牌和企業形象。 然而其行銷手法也是最讓人爭議的。
自己曾經是「讀者文摘」的讀者，大概也訂閱了六、七年吧？ 那確是一本優質刊物，但卻不安本份！ 不再訂閱除了是因為當時沒空細讀，家裏未閱雜誌堆積處處外，亦對其排山倒海般的直銷郵件感到厭煩不堪！ 除了以上提及那種以免費為餌， “未經要求卻主動提供貨物”收取貨款的銷售手法 ( demanding payment for unsolicited goods ) 值得商榷外 ( 2003年曾在澳洲被大量消費者投訴，而「讀者文摘」亦承認這是誤導性行為)，像那些 “病毒式行銷”，叫你填回十數位親朋住址作為雜誌的目標讀者，就給你訂閱優惠，後來發展為提供親友資料，親友可獲半年贈閱等都是獲取目標顧客資料的推銷手段。 此外每期還隨刊寄來大疊大疊絮絮喋喋的書籍、影音產品目錄，伴隨娛樂性極之豐富的個人化函件和遊戲式購物選項程序，當然不忘送上其著名的 “黃金、現金、名車”大抽獎 ( sweepstakes promotions ) 的 “盼望”！ 他們甚至會附上 “像真” 的汽車鑰匙、獎品選擇通知書等小道具，好讓你的橫財夢做得更具體！ 雖說它是不安本份，但對於生活苦悶無聊的現代人其實也提供了點購物樂趣！ 只是每次看著那些印刷精美的直銷郵件都不禁慨嘆 “這要砍多少棵樹啊！”
